ᐊᕐᕕᐊᑉ ᐱᕙᓪᓕᐊᓂᖓ

ᓄᓇᖑᐊᑯᑦ ᐊᕐᕕᐊᑉ ᓇᓗᓇᐃᒃᑯᑕᖓ: 61°06′29″N 094°03′25″W

ᑕᕆᐅᒥᑦ ᖁᑦᓯᖕᓂᖓ: 10 m (33 ft)

ᐃᓄᒋᐊᖕᓂᖓ: 2851

ᓯᓚᑉ ᐆᓇᕐᓂᖓ (ᔪᓚᐃᒥ): 10C

ᓯᓚᑉ ᓂᒡᓕᓇᕐᓂᖓ (ᔮᓄᐊᕆᒥ): -25C

ᐊᕐᕕᐊᑉ ᐱᕙᓪᓕᐊᓂᖓ

ᐊᕐᕕᐊᑉ ᐱᕙᓪᓕᐊᓂᖓ ᐃᓄᖕᓂᑦ ᐱᒋᐊᖅᑎᑕᐅᓚᐅᖅᐳᖅ. ᐅᑭᐅᓐᓂᒃ ᐊᒥᓱᑎᐊᒥᐊᓂᒃ ᓄᓇᒋᔭᐅᓱᓚᐅᕐᒪᑦ. ᓄᓇᒥᐊᒥ ᐃᓅᓚᐅᖅᓯᒪᔪᑦ ᑭᐴᑎᖃᕐᓂᕐᒥᒃ ᑎᕆᖓᓂᐊᕋᓗᖕᓂᒃ ᐊᔪᖏᑎᐊᒥᐊᓚᐅᖅᐳᑦ.   

ᐃᖏᕋᕙᒃᖢᑎᒡᓗ ᑭᕙᓪᓕᕐᒥ ᐱᖁᑎᓂᒃ ᓂᐅᕕᕆᐊᕐᖢᑎᒃ ᑭᐴᑎᖃᕆᐊᖅᑐᕐᖢᑎᒡᓗ ᐃᓄᖕᓄᑦ ᐊᓯᖏᓐᓂᑦ. ᕿᑎᐊᓐᓂ 1800 ᖃᐅᔨᒪᔭᐅᓕᓚᐅᖅᐳᑦ ᐊᑯᓐᓂᕐᒥᐅᑕᐅᑉᓗᑎᒃ ᓂᐅᕕᕈᐊᖅᑐᓄᑦ. ᑎᕆᖓᓂᐊᓂᒃ ᐊᓯᖏᓐᓂᒡᓗ ᒥᖁᓕᖕᓂᒃ ᓴᓇᖑᐊᒐᕐᓂᒡᓗ, ᐊᖑᓇᓱᓕᕌᖓᒥᒃ ᓇᒃᓴᖅᐸᓚᐅᖅᐳᑦ ᑭᐴᑎᒃᓴᒥᖕᓂᒃ, ᐊᖑᓇᓱᒃᑎᓪᓗᒋᑦ ᓇᑦᓯᕐᓂᒃ, ᕿᓇᓗᒐᕐᓂᒃ, ᐊᐃᕕᖕᓂᒃ, ᓂᐅᕕᖅᑎᓄᑦ ᑭᐴᓯᕆᐊᖅᑐᖅᖢᑎᒃ ᐅᒥᐊᕐᔪᖓᑦ ᑎᑭᓯᒪᓕᕌᖓᑦ ᐊᕐᕕᐊᓐᓄᑦ.   

ᑕᒪᑯᐊ ᐱᕈᖅᐸᓕᐊᓐᓇᖅᑐᑦ ᐱᒋᐊᓚᐅᖅᐳᑦ 1921 ᓴᕿᑎᑕᐅᖕᒪᑦ ᒥᖁᓕᖕᓂᒃ ᑭᐴᓯᕐᕕᒃ. ᑭᖑᓂᖓᒍᓪᓕ ᐊᕌᒍᒻᒥ 1924, ᐃᒃᓯᕋᕐᔪᐃᑦ ᒥᑭᔪᒥᒃ ᑐᒃᓯᐊᕐᕕᓕᐅᓚᐅᖅᐳᑦ ᓄᕗᖕᒥ (ᓄᕘᓂᕋᒐᐅᔪᒻᒥ). ᐊᒻᒪ ᐅᑭᐅᒻᒥ 1926, ᐊᔪᕿᖅᑐᐃᔨᑦ ᑎᑭᓕᓚᐅᕆᕗᑦ ᑐᒃᓯᐊᕐᕕᓕᐅᕐᖢᑎᒡᓗ ᐊᕐᕕᐊᓐᓂ. ᓴᐃᒪᖓᑦ, ᑐᒃᑐᑦ ᐱᓱᒃᑕᕐᓂᖓᑦ ᐊᓯᐊᖑᖅᐸᓕᐊᓚᐅᖅᐳᖅ, ᒥᖁᓖᓪᓗ ᐊᑭᑐᓗᐊᕈᖕᓇᐃᕐᖢᑎᒃ, ᐊᒥᓱᓪᓗ ᐃᓄᐃᑦ ᑲᒡᔪᐊᓕᕐᖢᑎᒃ. ᐊᒥᓱᑦ ᐃᓄᐃᑦ ᓂᐅᕕᕐᕕᖕᓂᑦ ᐅᖓᓯᒃᑕᐃᓕᓚᐅᖅᐳᑦ ᐊᒻᒪ ᐊᓐᓂᐊᖅᑕᐃᓕᓂᕐᒧᑦ ᐃᑲᔪᒐᐅᕙᒃᖢᑎᒃ ᑐᒃᓯᐊᕐᕕᖕᓂᑦ. ᐳᑭᖅᑕᓖᑦ ᐊᕐᕕᐊᓄᑦ ᑎᑭᓚᐅᖅᐳᑦ    1937 ᐃᑲᔪᕈᖕᓇᖅᓯᑉᓗᑎᒃ ᐃᓄᖕᓂᒃ ᐊᒻᒪ ᓄᐃᑕᓂᖅᓴᐅᓕᕐᖢᑎᒃ ᒐᕙᒪᒃᑯᑦ ᐃᑲᔫᑎᖏᑦ.   

ᑳᒡᔪᐊᕐᓂᖅᑕᖃᓚᐅᖅᐳᖅ 1940 ᐊᑐᖅᑎᓪᓗᒍ, ᐳᕙᓪᓗᖕᓂᖅᑕᖃᕐᖢᓂᓗ ᐊᓯᖏᓐᓂᒡᓗ ᐊᓐᓂᐊᕐᓂᕐᓂᒃ ᐱᑕᖃᓚᐅᖅᐳᖅ ᐃᓚᒌᓄᑦ. ᑲᓇᑕᐅᑉ ᒐᕙᒪᖏᑦ ᑐᐊᕕᖅᑐᒥᒃ ᐱᓕᕆᓚᐅᖅᐳᑦ ᐃᓚᒌᓂᒃ ᓅᑎᑦᓯᑉᓗᑎᒃ ᐊᕐᕕᐊᑉ ᓯᓚᑖᓂᑦ ᓄᓇᓕᖕᒧᑦ. ᐊᒥᓱᑦ ᐃᓄᐃᑦ ᑭᓯᐊᓂ ᓅᑐᐊᖏᓚᐅᖅᐳᑦ ᐱᖁᔭᐅᒐᒥᒃ. ᓅᑕᐅᒐᓂᒃᑲᒥᒃ, ᐃᓚᖏᑦ ᓄᓇᑐᖃᕐᙵᖕᓄᑦ ᐅᑎᖅᑕᓚᐅᖅᐳᑦ ᓯᕗᓕᖏᑕ ᓄᓇᒋᓚᐅᖅᑕᖏᓐᓂᑦ.   

ᐃᓕᓐᓂᐊᕐᕕᒃ ᒐᕙᒪᑐᖃᓄᑦ ᓴᓇᔭᐅᓚᐅᖅᐳᖅ 1959 ᐊᑐᓕᖅᑎᓪᓗᒍ. ᑕᒻᓇ ᐊᓯᖏᓐᓂᒡᓗ ᐊᓐᓂᐊᕐᕕᕋᓗᖕᓂᒃ ᐃᓄᓕᕆᕕᕋᓗᖕᓂᒃ ᓴᕿᑐᖃᓚᐅᖅᐳᖅ, ᐃᓚᒌᓂᒡᓗ ᐃᑲᔪᖅᑐᐃᑉᓗᑎᒃ ᓄᓇᓕᖕᒧᑦ ᓅᖁᑉᓗᒋᑦ. ᑭᓯᐊᓂ ᐊᔪᕿᖅᑐᐃᔨᕐᓚᑯᑦ ᐃᓕᓐᓂᐊᕐᕕᒋᓚᐅᖅᑕᖓᑦ ᐅᓱᒐᓈᕐᓈᓂ ᐅᒃᑯᐊᓚᐅᖅᐳᖅ ᐊᕐᕕᐊᓄᓪᓗ ᓅᑉᓗᓐᓂ.   

ᑐᑭᓯᒃᑲᓂᕈᐊᕈᕕᑦ ᐊᕐᕕᐊᑉ ᐱᕙᓪᓕᐊᓂᕕᓂᖓᓐᓂᒃ, ᐅᕗᖓᕐᓗᑎᑦ ᖃᕆᑕᐅᔭᒃᑯᑦ http://www.visitarviat.ca/index.php/about-arviat/history-of-arviat